Gịnị bụ Ịntanetị na uru dị na ya? Ọ̀mụ̀mụ̀ihe nke abụọ

Ịntanetị nwere ọtụtụ urù maka obibi ndụ na ihe ọbụla mmadụ na-eme n’ụwa taa. Mana ọtụtụ ụmụ akwụkwọ na ndị na anaghị aga akwụkwọ na Nigeria amaghị urù Ịntanetị bara. Nke a mere na ha ekonyebeghị ekwentị na komputa ha n’Ịntanetị. Nihi akụkọ na-eyi egwu a na-akọ maka Ịntanetị, ndịa nwere ike ịga n’ihu gbaketa Ịntanetị azụ, si òtù a hapụ inweta ihe ha kwesịrị isì n’Ịntanetị na-enweta, ma ọ bụrụ na a kụzighịrị ha urù Ịntanetị bara. N’ọ́mụ̀mụ̀ihe nke mbụ n’isiokwu “Gịnị bụ Ịntanetị na urù dị na ya?”, a kọwara ihe Ịntanetị bụ na urù olemole mmadụ na-erite n’Ịntanetị. Ọ̀mụ̀mụ̀ihe nke a kọwara urù ndị ọzọ a na-erite n’Ịntanetị, n’iji mee ka obi sie onye ọbụla ike ka ha konye n’Ịntanetị maka irite nnukwu urù Ịntanetị bara.